នៅពេលទិញយានជំនិះ អ្នកទិញជាច្រើនប្រឈមនឹងបញ្ហាទូទៅដូចជា៖ តើពួកគេគួរតែទិញរថយន្តថ្មី ឬរថយន្តមួយទឹក? ចំពោះរថយន្តថ្មីមាននូវជាមួយលក្ខណៈពិសេសចុងក្រោយ ខណៈរថយន្តមួយទឹកអាចជួយឱ្យអ្នកទិញកាត់បន្ថយលើការទិញរថយន្តបានច្រើន។ ប្រសិនបើអ្នកកំពុងពិចារណាទិញរថយន្ត ក្នុងអត្ថបទខាងក្រោមនេះ ជាហេតុផលទាំង ១២ បង្ហាញថា ការទិញរថយន្តមួយទឹកចំណេញជាងការទិញរថយន្តថ្មី៖
ទី១៖ សន្សំសំចៃថវិកា (Buy a Used Car)
អត្ថប្រយោជន៍ជាក់ស្តែងបំផុតមួយនៃការទិញរថយន្តមួយទឹក គឺការសន្សំសំចៃថវិកា។ យានជំនិះមួយទឹកភាគច្រើនមានតម្លៃថោកជាងរថយន្តថ្មីដល់ខ្ទង់ពាន់ដុល្លារ ដែលធ្វើឱ្យវាក្លាយជាជម្រើសដែលមានតម្លៃសមរម្យជាងរថយន្តថ្មី។
ទី២៖ មិនងាយធ្លាក់ថ្លៃ
រថយន្តថ្មីធ្លាក់តម្លៃលឿននៅពេលដែលត្រូវបានលក់ចេញពីឃ្លាំង ឬក្រុមហ៊ុនលក់រថយន្ត រថយន្តថ្មីអាចធ្លាក់ថ្លៃពី ២០ ទៅ ៣០% នៅឆ្នាំដំបូង។ ចំណែករថយន្តមួយទឹក ជារថយន្តដែលធ្លាក់តម្លៃរួចហើយ បានន័យថា បើអ្នកទិញរថយន្តថ្មីនោះ នឹងធ្លាក់ថ្លៃម្ដងបន្តិចៗតាមពេលវេលា ដូច្នេះការទិញរថយន្តមួយទឹកជាការវិនិយោគដ៏ឆ្លាតវៃ និងចំណេញជាង។
ទី៣៖ កាត់បន្ថយការចំណាយលើការទិញសេវាធានារ៉ាប់រង
សេវាធានារ៉ាប់រងរបស់រថយន្តមួយទឹកទាបជាងរថយន្តថ្មី ដោយសាររថយន្តមួយទឹកមានតម្លៃទាបជាងទីផ្សារ ក្រុមហ៊ុនធានារ៉ាប់រងគិតប្រាក់តិច ដើម្បីធានាលើរថយន្តមួយទឹក។ ប្រការនេះអាចជាការសន្សំសំចៃរយៈពេលវែងយ៉ាងសំខាន់លើការធានារ៉ាប់រងចំពោះរថយន្ត ដោយធ្វើឱ្យរថយន្តមួយទឹកជាជម្រើសដែលមានសន្សំសំចៃជាងរថយន្តថ្មី។
ទី៤៖ តម្លៃចុះបញ្ជីសមរម្យ
ដោយសាររថយន្តមួយទឹកមានតម្លៃទាបជាងរថយន្តថ្មី ធ្វើឱ្យថ្លៃចុះបញ្ជីយានយន្តថោកជាងរថយន្តថ្មី នេះមានន័យថា វាការសន្សំកាន់តែច្រើនពីមួយឆ្នាំទៅមួយឆ្នាំ នៅពេលអ្នកជ្រើសរើសឡានមួយទឹក។
ទី៥៖ អត្រាការប្រាក់ទាបសម្រាប់សេវាបង់រំលោះ
អត្រាការប្រាក់សម្រាប់ការបង់រំលោះរថយន្តមួយទឹកទាបជាងរថយន្តថ្មី ដោយសារតម្លៃពេញនៃរថយន្តមួយទឹក គឺទាបជាង លោកអ្នកមានទទួលបានតម្លៃ និងអត្រាការប្រាក់សមរម្យ ឬទាបការបង់រំលោះរថយន្តថ្មី។
ទី៦៖ ធានាលើគុណភាពប្រើប្រាស់
ការទិញរថយន្តមួយទឹក មិនមែនសុទ្ធតែមានន័យថា ទិញរថយន្តដែលគុណភាពទេ។ ឃ្លាំងចែកចាយរថយន្តជាច្រើនផ្តល់ជូននូវរថយន្តដែលមានការធានា (CPO) ដែលឆ្លងកាត់ការត្រួតពិនិត្យយ៉ាងហ្មត់ចត់ និងមានទាំងការធានាបន្ថែម ដែលឱ្យអ្នកស្រួលចិត្តព្រោះអាចទិញបានរថយន្តដែលអាចទុកចិត្តដោយមិនចាំបាច់ចំណាយលុយច្រើនពេក។
ទី៧៖ ភាពសម្បូរបែប និងជម្រើសកាន់តែច្រើន
នៅពេលអ្នកជ្រើសរើសរថយន្តដែលមួយទឹក អ្នកមានសិទ្ធិប្រើប្រាស់រថយន្ត និងម៉ូដែលជាច្រើនប្រភេទ។ មិនថាអ្នក ស្វែងរករថយន្តពណ៌ណា? ស៊េរីណា? ឬម៉ូដែលណានោះទេ ទីផ្សាររថយន្តមួយទឹកផ្តល់នូវជម្រើសរាប់មិនអស់។
ទី៨៖ មិនអស់ថវិកាលើការចំណាយថ្លៃកុម្យុង និងការកាត់ថ្លៃខ្ពស់ពីអ្នកលក់
អ្នកទិញរថយន្តថ្មីតែងតែចំណាយលើថ្លៃផ្សេងៗ ដូចជា៖ ថ្លៃដឹកជញ្ជូន ថ្លៃរៀបចំឯកសាររបស់ឃ្លាំង និងថ្លៃធ្វើដំណើរ។ រថយន្តមួយទឹកជាទូទៅមិនសូវចំណាយលើថ្លៃសេវាបន្ថែមទាំងនេះឡើយ ដែលជួយឱ្យអ្នកទិញអាចសន្សំប្រាក់បានច្រើនជាងមុន។
ទី៩៖ ការពារបរិស្ថាន
ការទិញមួយទឹក គឺជាជម្រើសដែលមិនប៉ះពាល់ផលប៉ះពាល់ដល់បរិស្ថាន។ ការផលិតរថយន្តថ្មីត្រូវការធនធាន និងថាមពលសំខាន់ៗ ដែលរួមចំណែកដល់ការបំភាយកាបូនទៅក្នុងបរិយាកាស។ ការទិញរថយន្តមួយទឹកអ្នកជួយកាត់បន្ថយតម្រូវការក្នុងការផលិតរថយន្តថ្មី កាត់បន្ថយការបំភាយឧស្ម័នកាបូន និងលើកកម្ពស់និរន្តរភាពផែនដី។
ទី១០៖ ការប្រើប្រាស់ជាក់ស្ដែង
នៅពេលអ្នកទិញរថយន្តមួយទឹក អ្នកអាចពឹងផ្អែកលើការវាយតម្លៃរបស់អ្នកប្រើប្រាស់ផ្សេងទៀត និងទិន្នន័យនានា ដើម្បីវាយតម្លៃការប្រើប្រាស់ជាក់ស្ដែង ភាពជឿជាក់ និងបញ្ហាទូទៅរបស់វា។ ព័ត៌មាននេះអាចរកបានយ៉ាងងាយស្រួលសម្រាប់រថយន្តចាស់ៗ ដែលអនុញ្ញាតឱ្យអ្នកធ្វើការសម្រេចចិត្តផ្អែកលើបទពិសោធន៍អ្នកប្រើប្រាស់ពិតប្រាកដ ជាជាងការអួយរបស់អ្នកផលិត ឬអ្នកលក់។
ទី១១៖ តម្លៃលក់ចេញវិញល្អ
ដោយសាររថយន្តមួយទឹកធ្លាក់ថ្លៃយឺតជាងរថយន្តថ្មី ដូច្នេះវាអាចរក្សាហាងឆេងថេរបានយូរ។ ប្រសិនបើអ្នកសម្រេចចិត្តលក់រថយន្តមួយទឹករបស់អ្នកនៅពេលក្រោយ អ្នកនឹងទទួលបានតម្លៃលក់បន្តប្រសើរជាងបើធៀបនឹងអ្នកដែលបានទិញរថយន្តថ្មីស្រឡាង ហើយជួបប្រទះនឹងបញ្ហាធ្លាក់ថ្លៃលឿន។
ទី១២៖ កាត់បន្ថយការចំណាយលើកែលម្អរថយន្ត
អ្នកទិញរថយន្តថ្មីជាច្រើនបានចំណាយប្រាក់បន្ថែមលើការលេង ឬកែរថយន្តបន្ថែម ដូចជា៖ កៅអីស្បែក កង់រថយន្ត ឬបាស់រថយន្តជាដើម។ សម្រាប់រថយន្តមួយទឹក ម្ចាស់មុនអាចនឹងបន្ថែមមុខងារទាំងនេះរួចហើយ ដែលអនុញ្ញាតឱ្យអ្នករីករាយនឹងរថយន្តទាំងនោះដោយមិនគិតថ្លៃបន្ថែម។
សរុបជារួម៖
ការទិញរថយន្តមួយទឹកគឺជាការសម្រេចចិត្តផ្នែកហិរញ្ញវត្ថុដ៏ឆ្លាតវៃដែលផ្តល់នូវអត្ថប្រយោជន៍ជាច្រើនជាងការទិញរថយន្តថ្មី រាប់ចាប់តាំងពីការសន្សំសំចៃលើការចំណាយទិញរថយន្ត អត្រាបង់រំលោះ តម្លៃសេវាធានារ៉ាប់រង និងថ្លៃចុះបញ្ជីអត្ថប្រយោជន៍គឺមិនអាចប្រកែកបាន។ លើសពីនេះ ជាមួយនឹងជម្រើសដែលមានការបញ្ជាក់ជាមុន និងម៉ូដែលជាច្រើនដែលត្រូវជ្រើសរើស ការស្វែងរកយានជំនិះដែលប្រើរួចដែលអាចទុកចិត្តបាន និងតម្លៃសមរម្យគឺមិនងាយស្រួលនោះទេ។
សូមពិចារណាស្វែងរកជម្រើសរថយន្តមួយទឹកមុនសិន មិនត្រឹមតែអ្នកនឹងសន្សំប្រាក់ប៉ុណ្ណោះទេ ប៉ុន្តែអ្នក នឹងអាចជ្រើសរើសរថយន្តដែលមានប្រយោជន៍ និងរួមចំណែកការពារបរិស្ថានផងដែរ៕
